Palaboy: QPnista 09-10

Palaboy: QPnista 09-10: Nanay kung ako'y tawagin nila Sa lungkot sila ang aking ligaya; Sa panghihina lakas ko'y sila, Ang minamahal kong QPnista. Ang mga lala...

Tula na may 12 pantig sa bawat taludtod

Ikinubling Damdamin

Ako ay mahalintulad sa bituin

Sa langit kumikislap ngunit di pansin

Nakangiti kahit pa may hinanakit

Sa nilalang na lihim na iniibig.

Masakit isiping ika’y tinatangi

Nitong pusong lihim na ika’y pinili

Bagamat hindi ko lubos na mawari

Kung bakit puso’y sayo tumibok muli

Hindi man batid ang nais ng damdamin

Ngunit ako ay nasasaktan ng lihim

 Sa tuwing  kasama mo ang iyong giliw

At parang musikang ika’y naaaliw.

Ngunit giliw nais kong iyong mabatid

Itong nararamdama’y nais mapatid

Upang sa puso ay may ligayang hatid

Kung masilayan ka sa kanyang gilid.

QPnista 09-10

Nanay kung ako'y tawagin nila
Sa lungkot sila ang aking ligaya;
Sa panghihina lakas ko'y sila,
Ang minamahal kong QPnista.

Ang mga lalake'y makulit, maingay na parang mga bata;
Magkasama sa bawat panahon ng hirap at ginhawa;
Sa kaalokohan at baasag-ulo'y ayaw magpakabida,
Sapagkat inaalala ang pananaw ng mahal na ina.

Ang babae'y simple't malalambing;
Ginhawa't hirap laging magkapiling
Pinapatatag ang bawat damdamin
Nang mapasaya itong inang giliw.

Oh, aking mga minamahal na anak!
Hiram ko man ang mga panahong kayo ay kasama;
Ngunit hindi mapapantayan ang ligayang nadama
Salamat sa handog na pagmamahal at pag-unawa.

Kalsada: Tahanan nila

Marso 20, 2011, habang nakasakay ako sa dyep at nilalakbay ang daan papunta ng Mall. Napapansin ko ang isang nilalang na nakupo sa kanto ng Ulas habang nakahinto ang aming sasakyan. Sa harap niya ay mga pirasong candy na sa palagay ko ay ibinibenta niya, subalit napatanong ako sa aking sarili, sa itsura o anyo niya sino ang bibili ng paninda niya? Siya ay isa sa mga taong nilalayuan natin, pinandidirihan dahil sa kanilang anyong marumi at natatakot tayong madampian man lang ng kanilang mga kamay dahil baka tayo ay mahawa.. Kawawang mga nilalang, natutulog at nagigising sa kalye. Humihingi ng tulong ngunit walang pumapansin, walang nakakarinig sa kanilang panambitan, walang tumitingin sa kanilang mga kalagayan. Sana mabigyan natin sila ng kaunting tulong, maski kakarampot mula sa mga natanggap nating biyaya sa maykapal.